Sonia Gandhi lehkhabu tihchhuah turin inhnialna siam

Congress party hruaitu, Sonia Gandhi chuan vawiin hian a lehkhabua ziah, 'Belonging: A Journey of Love' chu a tlangzarh dawn. He lehkhabu hian tlangzarh a nih hma aṭangin ngaihven a hlawhin, inhnialna pawh a siam chhuak a ni.

Sonia Gandhi chuan a lehkhabu ziah hi politics kaihhnawih lam ni loin, a tam zawk chu a mimal leh a chhungte chanchin a tarlanna a ni a, politics thila hman tur pawh a ni lo, tiin a sawi. "Ka chhungte chungchang hi ziaktu an tam tawh a, mahse an nihna tak tak, an harsatna leh chak lohna laite erawh a lang tlem hle. He lehkhabuah hian an nihna dik tak ka tarlang duh a ni," a ti. Mahse, hetih lai hian BJP chuan he lehkhabuah hian a mimal thil aiin, politics leh sorkar lam a tarlang hnem zawk tih an sawi thung a, hetiang lehkhabu a siamna chhan pawh zawhna an siam zui bawk.

Lehkhabu hi phek 544-a chhah nii, vawiin hian khawvel pumah tlangzarh a ni ang. Indian edition hi HarperCollins India publish a ni. Sonia Gandh hian kar liam ta khan Instagram account pawh siamin, a lehkhabu chungchang hi a post a ni.

The Hindu-in an kawmnaah, Sonia Gandhi chuan a lehkhabu chungchang hi a sawi a, hemi rual hian prime minister Narendra Modi kaihhruia sorkar chu India democracy dinhmun nasa taka tichhiaah puhin, mainstream media-te thununin, sakhaw thil leh a kaihhnawihte politics lama hlawkpuina tura hmangah a puh bawk.