India leh US-in ruihhlo dona kawnga thawh dun an remti

India leh US chuan ruihhlo ṭha lo chhuak thar leh pung chho zel dona kawnga thawh dun an remti. He inremna hi tun hnaia New Delh-a high-level meeting neihah an siam a ni.

Narcotics Control Bureau (NCB) chuan kar liam ta khan 2nd India-United States of America Drug Policy Executive Working Group Meeting a thleng a, meeting-ah hian India palaite chu NCB director general (DG) Anurag-a'n hoin, US palaite chu Office of National Drug Control Policy (ONDCP)-a acting deputy director, Debbie Seguin-i'n a ho. He hunah hian ram pahnihten damdawi hlauhawm leh danin a khapte do letna kawnga an thawh duhna, information inhrilh tawnna lama ngaih pawimawh leh thuam chakna lai te, law enforcement te hmalakna thawh dunna ṭha awmna leh, ruihhlo demand tihhniamm a, damdawi thawn chhuah dana thununna fel elh supply chain rintlak siam dan turte an sawi ho. Ram pahnih aiawhte hian dan bawhchhiaet do letna tura hmalakna leh thiam thil ṭha an hriatte inhriattir tawn zel an remti.

ONDCP Director chuan US leh India thawh dunna leh, Executive Working Group chu ram hrang hranga ruihhlo tawlhru ṭhin pawl tihchhiat nan leh, ruihhlo siamchawp (synthetic drugs) leh chemical hmanruate khawvel market-a lut tur veng turin a pawimawh hle a ni, a ti.

NCB DG chuan prime minister Narendra Modi leh union home minister Amit Shah te kaihhruaina hnuaia siam, India's Vision Roadmap 2026-2029 chungchang a sawilang bawk.