Sorkarin micro credit guarantee scheme kum 5 dang pawtsei

Union cabinet chuan Nilaini khan Credit Guarantee Fund for Micro Units (CGFMU) chu kum nga dang pawhsei a remti a, March 2031 thleng kalpui chhunzawm a ni ang.

CGFMU hi kum 2016 January thla aṭanga kalpui ṭan a nia, Pradhan Mantri Mudra Yojana (PMMY) loan ṭhan chhoh zel theihna tura hmalatu pawimawh tak a ni. Kumin September thla thleng khan loan vbc 60.36 pe chhuak tawhin, sum pek chhuah hi Rs vbc 43.34 a tling.

Information and broadcasting minister Ashwini Vaishnaw chuan scheme pawhsei a nih thu a sawinaah, he scheme hian National Credit Guarantee Trustee Company Limited (NCGTC) kaltlangin sum puk tirtu, lending institution-te chu a puktu ten ba an rul let theih loh hlauhawm laka venghim turin credit guarantee coverage a pe tih a sawi. Kum nga dang atana CGFMU pawhsei leh hian loan Rs vbc nuai 12.6 a pek belh leh theih phah dawn a, hei hian rampuma sumdawng thar, self-employment leh sumdawnna tenaute ṭhan chhohna turah a puih belh thei dawn a ni.

He scheme hmanga PMMY hnuaia micro enterprise-te hnena loan pek theih chin chu Rs nuai 20 a ni a, Pradhan Mantri Jan Dhan Yojana (PMJDY) account neite hneah Rs 10,000 chin leh, Self Help Group (SHG) hennah loan Rs nuai 10-20 inkar pek theih a ni bawk. Scheme hi XVIth Finance Commission hun chhung, FY 2026-27 aṭanga FY 2030-31 inkara PMMY hnuaia loan zawng zawngah pawhsei a ni. Cabinet chuan kum khata guarantee fee lak, 1% chu 0.75% a tihhniam a remti bawk a, SHG loan fee structure erawh tihdanglam a ni lo.