Jammu and Kashmir-ah Police Officer awmna chin hriat loha bo 2 ruang hmu

Jammu and Kashmir-a Special Police Officer (SPO) pahnih, an awmna chin hriat loha bote ruang chu Ningani khan, Kishtwar district-ah Dachhan belt aṭanga an bo hnuah hmuh an ni tih official-te chuan Ningani khan an sawi. Police Officer pahnihte hi an taksaah silaia kahna hnuhma tam tak hmuh a ni.

Official thuchhuah tarlan danin, Kishtwar-a Dachhan-ah Nilainia police pahnihte zawn beihpui thlakna neih hnuah hmuh an ni tih tarlan a ni. Mitthite hi SPO Rashpal Kumar (45) leh SPO Bobby Chand (57) an ni a, Kishtwar-a Kiyar Dachhan-a cheng an ni. He inthahna hi November 11-a Kulgam-a silaia inkahna a thlen aṭanga darkar eng emaw zat hnua thleng a ni a, misual tu tih hriat lohten Central Reserve Police Force (CRPF)-a patrolling party an bei a, mi pathum an hliam.

Official-te tarlan danin, officer pahnihte hian Dharna-Marwah-a Army post nei tura Inderwal-a Rashtriya Rifle 17th Battalion-a Temporary Operational Base-a thawktute chhanchhuah tumin Kiyar camp an chhuahsan a ni. Chhanchhuah an tumna hmun hi an thleng lo tih hriat chhuah a ni a, an mobile phone chu a tirah biak tlang theih ni mah se, a hnuah biak chhunzawm theih an ni ta lo a ni. Police leh sipaite chuan zawn beihpui thlakin, ramngaw leh tlang chhengchhe tak takah security-te tirh an ni. Drone leh ui fingte hmanga zawn beihpui thlak a ni bawk tih official-te chuan an sawi.