India, UAE leh Oman-ten trilateral committee din remti

Union civil aviation minister Ram Mohan Naidu chuan UAE leh Oman te geopolitic buainain thlawhtheihna service a nghawng buaina thleng ṭhin chinfel dan kawng ngaihtuahtu tur, trilateral technical committee chu ram pathum puala din an remtih thu nimin khan a puang. Geopolitic buainain airspace a nghawng ṭhin chungchang hi Naidu chuan UEA economy and tourism minister Abdulla Bin Touq Al Marri a sawipui a ni.

Naidu chuan meeting-a inremna an neih thu hi X kaltlangin a tarlang a,"India, Oman leh UAE chuan hmalakna kawnga harsatna awmte chingfel tura thawh hona nei turin technical trilateral committee din an remti a ni" a ti. Hei bakah meeting chuan technical lama inbiakna chu International Civil Aviation Organisation-a Middle East leh Asia-Pacific Regions ah tun thla hian neih tum a nih thu Naidu chuan a tarlang bawk.

Kumin kumtir lam, February 28-a US leh Israel ṭang dunin Iran an beih hnu aṭang khan heng lai ram leh a chhehvela van boruaka thlawhtheihna kawng hrang hrangah khuahkhirhna a thlen phah nasa hle a, hemi avang hian India airline chuan Jeddah, Riyadh, Dammam leh khawpui hrang hranga service eng emaw zat an tihtawp phah a ni.