Miscrosoft buaiin IndiGo leh AirIndia email support service nghawng buai

American technology conglomerate leh software company lian, Microsoft service khawvel pum huapa a buai avangin India-a airline lian, IndiGo leh Air India chuan an email support service-ah harsatna an tawh phah tih X kaltlangin nimin Zirtawpni khan an tarlang. Hemi rual hian airline pahnihte chuan an communication channel dang erawh a hman theih thu an tarlang.

Airline pahnihte hian an email buai chhawkna tur hian email thlak lailawkna turin message hmangin a ṭul anga hma an lak zui thu an tarlang a, email pawh an tihdan phung pangngaiin darkar 24 chhungin a theih angin an chhang zui zel bawk niin an tarlang.

Microsoft chuan an service buai chungchangah X kaltlanga thuchhuah siamin, an infrastructure-te chu traffic sangin a nghawng a nih loh thu an sawi a, hetih lai hian service eng emaw zat chu beisei loh lam aṭangin a hman theih loh thut niin an tarlang. Company hian service buai chhan an update leh hnuah erawh Microsoft business leh enterprise user 365 chu service buai hian a nghawng niin an tarlang a, harsatna awm chhan chhui chiang tur hian hma an lak chhunzawm thu an sawi bawk a ni.