
Army Chief-in Czech Republic a tlawh dawn
Indian Army hotu, Chief of the Army Staff (COAS) general Dhiraj Seth chuan November 16-19 chhung hian Czech Republic a tlawh dawn a, a cham chhung hian sorkar hruaitute bakah Czech armed forces hotute a kawm bawk ang.
General Seth-a'n a tlawh tur hi ram pahnihte defence lama thawh dunna tihchakna, ram pahnih sipaite thawh hona zau zawk siam bakah, defence techology leh industry lama thawh dunna tur remchang zawnna tante hman a ni ang. Seth hian Prague-a General Staff Headquarters (GSHQ)-ah indonaa sipai thite hriatrengna pangpar a dah dawn bawk a ni.
Army Chief hian Brno-a Defence University leh NATO Joint Chemical, Biological, Radiological and Nuclear Defence Centre of Excellence a tlawh dawn bawk a; Inter-Governmental Defence Cooperation Agency (AMOS) leh Defence and Security Industry Association bakah defence manufacturer aiawhte nen inkawmna hun an hmang bawk ang.