Covid-19 vaccine latu zinga 447-ten harsatna nei

Union health ministry chuan kar liam ta Inrinni  aṭanga ram puma Covid-19 pek ṭan a nih hnuah, Pathianni thleng khan mi  2,24,301 pek an ni tawh a, vaccine la tawh zinga 447 chauhin harsatna an nei tih a sawi. 

Ministry additional secretary Manohar Agnani chuan vaccine lak hnuah harsatna nei, adverse events following immunisation (AEFI) nei mi 447 report awmin, an zinga pathum chauh chu damdawi-ina dah luh ngai an awm a ni, a ti.

Damdawi-ina dah luh ngai pathum zinga pahnih hi chhuah tir an ni leh tawh bawk.  AEFI report zinga a tam ber harsatna tenau, khawsik, luakchhuak leh lu na te a nih thu a sawi Agnani chuan a sawi. AEFI hi vaccine lak hnuah eng emaw harsatna awm sawina atana hman a ni a, hei hi an vaccine lak kaihhnawih ni kher lo pawh a ni thei a ni. 

India ramah Covid-19 vaccine pahnih, Covishield leh Covaxin chu Inrinni aṭang khan pek chhuah ṭan a ni a; healthcare worker, frontline worker leh kum 50 chung lam bakah kum 50 hnuai lam zinga natna benvawn neite hnenah pek hmasak a ni ang.