Pakistan ISI-in J&K-ah JeM firfiak a tir

Intelligence report-in a tarlan danin, Pakistan ISI chuan Jammu and Kashmir-a security force-te bei turin Jaish-e-Mohammad firfiakte a tir lut. 

December thla khan India ram chhungah JeM hotu Masood Azhar thawhpui hnai tak Abdul Rashid Gazi bakah firfiak pahnih an rawn lut nia sawi a ni a, Kashmir chhim lamah an awm mek nia sawi a ni bawk. Gazi hi Afghanistan-a firfiak camp-ah pawh training lo nei tawh a ni a, Taliban-te nen thawkhoin pawikhawihna hrang hrang pawh an thlen tawh a ni. JeM member-te training pe tu bera ngaih niin, IED expert a ni bawk.

Intelligence agency chuan Pakistan-a firfiak pawlte chu India rama beihpui thlak turin an inbuatsaih niin a sawi bawk a, he thu hi Union Minister of State for Home Hansraj Ahir pawhin Parliament-ah a sawichhuak a ni.