Cabinet-in bank pathum chhunfinna tur pawm

Cabinet Committee on Economic Affairs (CCEA) chuan Nilaini khan state-run bank pathum - Viijaya Bank, Bank of Baroda leh Dena Bank-te chhunfinna tur chu a pawm. Hei hi India ram banking sector hnuaia bank pathum chhunfin an nihna hmasa ber tur a ni. 

Bank pathum hi chhunfin an nih hunah India rama bank lian pathumna an ni pha dawn a, State Bank of India leh private sector lender ICICI bank chauh an pha dawn lo a ni. Sorkar chuan bank chhunfin hi April 1 aṭangin kalpui ṭan a ni dawn tih a sawi. 

Sorkarin a tarlan danin, Bank of Baroda chu transferee bank niin a dang pahnih chu transferor bank an ni dawn a, Vijaya Bank leh Dena Bank sumdawnna chu Bank of Baroda-ah chhunluh an ni dawn a ni. Heng bank chhunfin vang hian service leh hnathawktute dinhmunah harsatna engmah a awm dawn lo niin Union minister Shankar Prasad chuan a sawi.