Bawng tawlhrutute hi firfiak an ni : Rajasthan BJP leader

Rajasthan BJP vice president leh MLA hlui Gyan Dev Ahuja chuan bawng tawlhru leh talh ṭhinte chu firfiak anga a ngaih thu a sawi a, heng mite thiltih chungchang Congress hruaitute an dodal lo chu mak atih thu a sawi. 

BJP hruaitu chuan Muslim sakhaw zuitute pawhin a unau, Hindu-te rilru puthmang chu an zahsak a, bawng tawlh leh talhte chu an dodal ve a ṭul thu a sawi bawk. 

Pathianni-a an state-a dan loa bawng phurtu nia puh, kum 23 mi Sagir Khan sawisak hlum a nih chungchangah police-ten an tihtur an tih loh avangin mipui thinrim an puakkeh ta mai niin a sawi bawk. Mipuite thinrim chu thil awm tak anih thu sawiin, hetianga bawng tawlhru leh talh ṭhinte hi mipuite lakah pawh an insawifiah theih loh thu a sawi.

Nikum July thla khan Ahuja hian bawng talh chu firfiaka chetna aia pawikhawihna lian zawk anih thu a lo sawi tawh bawk.