Rath Yatra neih phal loh vangin insawifiah turin Bengal CM hriattir

Supreme Court chuan West Bengal Chief Minister Mamata Banerjee-i chu BJP-in an state-a Rath Yatra neih an tum a phalsak loh chungchanga insawifiah turin a hriattir.

CM Banerjee-in Rath Yatra neih an tum chu a phalsak loh avangin BJP chu Supreme Court-ah a zualko a ni. BJP hian kumina Lok Sabha inthlanpui neih hmain West Bengal-a parliament constituency 42-ah 'Save Democracy Rally' neih tumin court-ah hian dilna an thlen a, hemi rual hian nikum December 21-a high court division bench in yatra neih an tuma phalna pek tawh a hnawlsak chungchang an khing let bawk. BJP chuan boruak muanawm tak hnuaia yatra huaihawt tura dikna an neihte chu rahbeh sak an ni tur a ni lo tiin, state chhunga district pathum aṭangin yatra hi neih ṭan an tum a ni.