Trade Union-ten ni hnih awh Bharat Bandh huaihawt

10th January, 2019

Trade Union chuan Thawhṭanni leh Thawhlehni khanram pum huap nawrh, Bharat Bandh an huaihawt.

Bharat Bandh hi central trade union sawm chuangin an zawm a, an zingah hian Indian National Trade Union Congress (INTUC), All India Trade Union Congress (AITUC), Hind Mazdoor Sabha (HMS), Centre of Indian Trade Unions (CITU) leh All India United Trade Union Centre (AIUTUC)-te pawh an tel. Hetihlai hian Rashtriya Swayamsewak Sangh (RSS) hnuaia Bharitya Mazdoor Sangh (BMS) erawh chuan a thlawp ve lo thung.

Loneitute pawl aiawhte pawhin trade union nawrh hi an thlawp thu an sawi a, university hrang hranga zirlai leh zirtirtu pawlte pawhin an thlawp bawk.

Trade Union hian Prime Minister Narendra Modi kaihhruai NDA sorkar chu hnathawktu ṭhatna ngaihtuah loa policy siamah an puh a, hei bakah hian hna neilo pung zel chungchangte ngaihven an phut bawk. Union chuan sorkarin Trade Union Act, 1926 siamṭhat a tumna chu an duh lo a, hei hian union nihphung leh inrelbawlnate a tichhe thei dawn niin an sawi.