Kumbh Mela 2019 atan temporary city lian ber siam

Uttar Pradesh sorkar chuan Kumbh Mela 2019 neihna tur atan Prayagraj-ah khawvela temporary city lian ber a siam. 

Prayagraj-a temporary city siamah hian kawng km. 250-zeta thui awmin, lei 22 a awm a, LeD buld 40,000 chuang zet hman a ni. Kumbh Mela hmanna tur khawpui lem siamna atan hian state sorkar chuan cheng vaibelchhe 2800 a ruahman a ni. 

Mela neih tura atan hian security lam pawh ṭha taka ruahman a ni a, Rs vaibelchhe 247 sengin Control and Command Centre pahnih siam a ni ang. Venhim hna thawk tur hian Uttar Pradesh police 20,000 chuang dah an ni dawn a, police dahte hi sa ei lo chauh dah a ni bawk ang. 

Kumbh Mela hi January 15 aṭangin neih ṭan a ni dawn a, Mela chhung hian mi vaibelchhe 12 velin Prayagraj hi an tlawh rin a ni.