Supreme Court-ah re-servation bill khing let

Parliament-in a pass tak, general category-a miretheite tana sorkar hna leh zirna-in 10% reservation pekna bill chu nimin khan Supreme Court-ah khin let nghal a ni. 

Petition thehluttu hi Youth for Equality organisation leh Kaushal Kant Mishra an ni a, reservation hmang hian sum lama harsatna avanga buainate hi chinfel theih a ni lo tih sawiin, he bill hi hnawl turin an ngen. Bill hian Constitution basic feature a palzut nia sawiin, general category-a economic ground hmangin reservation siamsak theih a nih loh bakah, reservation pek chin chu 50% a pel tur a ni lo tih an sawi bawk. General category hnuaia miretheite puala 10% reservation dahsak tur nen hian, ST, SC leh Other Backward Class-te tana reservation pek hi 60% a tling dawn a ni. 

Thawhlehni khan Lok Sabha chuan The Constitution (One Hundred and Twenty Fourth Amendment) Bill, 2019 hi a pass a, Nilaini-ah Rajya Sabha-in a pass ve leh a ni.