Muslim thliarhran duh loh vangin IAS topper a bang

Kum 2010-a Indian Administrative Services (IAS) examination-a topper, Kashmir mi Shah Faesal (35) chu Hindutva hminga India rama Muslim maktaduai 200-te thliarhran leh ngaihthah an nih duh lohna lantir nan government service aṭangin a bang.

Faesal chuan, "Kashmir-ah awmze nei loa inthahna thlengte, sorkar laipuiin buaina chinfel tumna tak tak a neih lohte, Hindutva force-te kuta Indian muslim maktaduai 200 velten second-class citizen a hnuhhniamna tura tawrhna an tawhte, J&K special identity beih a nih rengte,India ram lailia sakhaw dangte inngaihtheih lohna leh inhuatna hluar zelte avangn Indian Administrative Services aṭanga ban hi ka duh a ni", a ti. Vawiin hian hma a lak tum zel dan tur chungchangah press conference neih a tum. 

Jammu and Kashmir chief minister hlui leh National  Conference (NC) vice president Omar Abdullah chuan Faesal-a thutlukna siam chu lawmawm a tih thu sawiin, bureaucrat lamin an hloh chu politics lamah hlawkna a thlen dawn tih a sawi. 

Faesal hian NC a zawm dawn nia sawi a ni a, north Kashmir-ah NC party hian Lok Sabha candidate-ah an dah dawn nia sawi a awm bawk.