Delhi Congress chief atan Sheila Dikshit ruat

Congress Party chuan Delhi Congress chief atan ṭum thum chief minister lo ni tawh, Sheila Dikshit-i a ruat. 

Delhi Congress chief a nihna aṭangin Ajay Maken chu kar kalta khan a bang a, a banna chhan hi sawichiang lo mah se central lamah dinhmun pawimawh zawk pek a ni dawn nia sawi a ni. Ningani khan Delhi CM hlui leh party hruaitu hlun, Sheila Dikshit-i chu Delhi Congress unit hotu atan hian ruat a ni zui ta a ni. Dikshit-i hi kum 80 mi  a ni tawh a, Delhi chief minister ni rei thei ber niin kum 1998-2013 chhung khan a kaihhruai sorkar hi a ding a ni.