Cyclone Bulbul vangin Bengal-in Rs vbc 19,000 hloh

Kar kal ta Inrinnia thlipui na tak cyclone Bulbul tleh vangin, West Bengal chuan cheng vaibelchhe 15,000-19,000 a hloh tawh.

He cyclone-in a tihchhiat hlut zawngte chu department hrang hrangin sorkara an thehluh hnua chhut a nih thu Chief Secretary Rajiva Sinha chuan a sawi. Department hrang hrang - irri­gation, forest, agriculture, power, public health, engineering leh pancha­yat-te hnenah thilpuiin a nuai chhiat hlutna chu nimin khan thehlut tura hriattir an ni a, an thehluh hnuah hian final report chu siam niin, sorkar laipuiah thawn a ni.

Bulbul tlehna lai hi Bay of Bengal tuipui hnaih lam West Bengal chhim lam leh Bangladesh chhimtlang lam a ni a, he lai tuipui kama khuate chuan chhiatna an tawh bakah, he thlipui avang hian mi 14-in nunna an chan tawh bawk. 

West Bengal chief minister Ma­mata Banerjee chuan cyclone Bulbul vanga nunna chhan chhungte hnenah zangnadawmna cheng nuai 2 ṭheuh a pek tur thu a sawi.