SC-in Karnataka MLA 17 te disqualify-na thlawp

Karnataka Assembly speaker KR Ramesh Kumar-in MLA 17-te a disqualify chu Supreme Court chuan thlawpin nimin khan a pawmpui a; hetihlai hian MLA disqualify-te hi December 5-a by-election neih turah an chuh a phalsak thung. 

Justice NV Ramana, Sanjiv Khanna leh Krishna Murari-te awmna bench chuan Speaker hian roreltute hi term puma hnawtchhuak turin thuneihna a nei lo tih an sawi. Speaker hian kum July 25 leh 28 khan Tenth Schedule, anti-defection law hnuaiah MLA 17-te hi MLA an nihna a hnawlsak a, kum 2023-a tawp tur, Assembly term kal mek hun chhunga inthlan neihah an chuh a khapsak bawk a ni. Hei vang hian MLA-te hi Supreme Court-ah hian an zualko ta a ni.