Delhi-a odd-even scheme pawtsei mai thei

Delhi sorkarin khawpui boruak bawlhhlawh tihziaawmna tur kawng khat atana motor number kawpkim leh kawpkim lo intlanchhawk, odd-even scheme a hman chu vawiin thleng kalpui tura tih ni mah se, pawhsei a ni maithei niin chief minister Arvind Kejriwal chuan a sawi. 

Hetih lai hian BJP hruaitu leh Rajya Sabha MP Vijay Goel chuan odd-even scheme hi sawiselin, he scheme hi kalpui a ni chungin Delhi khawpui boruak chu 'gas chamber' ang maia a la bawlhhlawh chhunzawm zel thu a sawi. 

Goel hian kar liam ta khan scheme hi bawhchhiain, a motor tlan loh niah a tlan tir lui a, hei vang hian Rs 4,000 chawitir a ni. Goel chuan, "Odd-even scheme hmang mah se, boruak bawlhhlawhin ziaawm lam a pan chuang lo, thlai ro hal khu thar a awm lo a, Diwali lawm  a ni tawh bawk lo. Arvind Keijrwal hian tunge a puh leh dawn?", tiin Kejriwal chu a hma zawng pawha Delhi boruak bawlhhlawh zel tur venna kawnga hma la loah a puh.