BMC contractor-te thiltih dik loh hmuchhuak

Central Board of Direct Taxation (CBDT) chuan Brihanmumbai Municipal Corporation (BMC) hnuaia contractor-te hnathawh dan an chhui chian hnuah, cheng vaibelchhe 735 chu dan dik loa hmangah puhin Income Tax Department-in an man chhuah thu a tarlang.

BMC hi ramchhunga municipal corporation hausa ber zinga mi a ni. Contractor-te hian dan dik loa sum tam tham tak an hman bakah hian, chhiah an awl ru leh leh pawisa thup boa puh an ni. November 6 khan he contract hnaa inhnamhnawih entry provider-te leh hlawkna lo telve tute hi, Mumbai leh Surat-a hmun 44-ah chhui an ni tawh a, entry provider-te kaltlangin contractor ṭhenkhatte chuan loan leh thil dang dangah hlawkna an la nia hriat a ni. 

Heng bakah hian account book-ah hnathawh nana pawisa ziah luh tam uchuak tak a awm thu sawi a ni bawk. CBDT hian thil dang pawh an la chhui mek thu an tarlang. CBDT hi India rama tax department tana chhiah lak dan tur chungchanga policy siamtu a ni.