Delhi boruak balin ziaawm lam pan

India ram khawpui Delhi leh a chhehvel National Capital Region (NCR) huam chhunga boruak bawlhhlawh chuan ziaawm lam a pan thu, nimin khan System of Air Quality and Weather Forecasting And Research (SAFAR) chuan a tarlang.

Air Quality Index (AQI) hi nimin khan 221-ah a tlakhniam a, thla hluia diwali zawh hlim kha chuan AQI hi 463-ah kai chhoin, mihring tan a hlauhawm tham a thleng chho a, zirna in pawh khar a nih bakah leh public health emergency puan a nih phah hial. 

Hetih lai hian Delhi leh NCR hmun ṭhenkhatah chuan pollution level hi a la ziaawm chuan loh thu tarlan a ni a, mahse a pumpui huap chuan boruak bawlhhlawh hian ziaawm lam a pan ṭan a ni. Boruak bawlhhlawh nasa hian thawk lama harsatna leh chauhna a thlen thu tarlan a ni bawk.