Hlawhtling takin Missile enchhin

Kar kal ta Inrinni zan khan versatile surface-to-surface me­dium-range nuclear-capable missile Agni-II chu, Odisha chhak lama awm Dr Abdul Kalam Island-ah hlawhtling taka enchhin a ni. 

India sipaite hmalaknain  missile Agni-II enchhinna hi neih a ni a, Defence Research and Development Organisation (DRDO)-in an thlawp bawk. Bharat Dynamics Limited chuan he missile hi a siam chhuak a, India  strategic ballistic missile pahnihna a ni.

Inrinni zana missile enchhin hi, India-in zana missile a enchhin vawi khatna a ni. He missile hi intermediate-range ballistic missile (IRBM) a ni a, a sei lam hi metre 20 a ni. Kilometre 2000 a thui a kap thei a, kg 16,000 a rit a ni bawk.