Subhash Chandra Bose piancham 'Parkram Diwas' ah puang

Prime minister Narendra Modi kaihhruai NDA sorkar chuan India ram zalenna sualtu, Netaji Subhash Chandra Bose piancham, January 23 chu 'Parkram Diwas' ah a puang. 

Union ministry of culture chuan,"Ram tana Netaji inpekna hriat­rengna leh chawimawina atan, kum tinin January 23 chu Parakram Diwas-ah hman turin sorkar laipui chuan a rel a ni," a ti. India mipuite chuan Netaji Subhash Chandra Bose inpekna ropui tak chu an hre reng a, a piancham vawi 125 lawmna chu nakkum January thla aṭangin neih ṭan a ni dawn tih a sawi bawk. 

Kum 2019, January 23 khan Prime Minister chuan Red Fort, New Delhi-a Netaji Subhash Chandra Bose hriatrengna puala museum siam chu a lo hawng tawh bawk a ni. Kolkata-a Victoria Memorial building-ah Netaji puala permanent exhibition leh light and sound show siam tum a ni bawk. PM Modi chuan kumina Netaji piancham lawmna, Victoria Me­morial-a neih tur chu hmanpui a tum.