State 5-ah bird flu leng vangin ar suat mek

Sorkar laipui chuan state panga-ah bird flu a leng tih nemngheh tawh niin, heng state-ah hian ar suat hna kalpui mek a ni, a ti. Rapid response team (RRT) in ar suat hna an thawh mekna state te hi Kerala, Maharashtra, Madhya Pradesh, Haryana leh Chhattisgarh te an ni. 

Ministry of fisheries, animal hunbandry and dairy chuan thuchhuah siamin, January 18 thleng khan state pangaah bird flu a leng tih nemnghet  a ni tawh a, state dang pakuaah pawh hri hi hmuh a ni tawh a ni, a ti. Bird flu lenna state-ah hian RRT chuan ar suat hna an thawk mek a, sorkar laipui pawhin thil awmdan enfiah turin central team a tir bawk. Central team hian Kerala leh Maharashta an tlawh  tawh a, hri lenna state dang pawh an tlawh chhunzawm ang.