Bihar CM-in ram pumah zu khapna dan hman duh

Bihar CM-in ram pumah zu khapna dan hman duh

Bihar chief minister Nitish Kumar chuan India ram pumah zu khapna dan chu hman theih ni se a duh thu New Delhi-a 'Liquor-free India' convention hmannaah a sawi.

Ramchhunga state ṭhenkhatah chauh ni lo rampum huapa zu khapna kalpui theih ni se a duh thu Nitish chuan kalkawmte hmaah sawiin, hei hi India hnampa Mahatma Gandhi thil duh a nih thu pawh a sawi lang bawk.

Nitish hian an state Bihar-a zu khapna dan a kalpui mek chungchang chu sawichhuakin, state CM hlui Karpoori Thakur khan zu khapna dan chu a theih ang angin an state-ah lo kalpui mah se duh anga a hlawhtlin loh thu a sawi. Nitish kaihhruai sorkar chuan kum 2011 aṭang khan zu khapna hi Bihar-ah hman a nih theih nan hma a la ṭan a, kum 2016-ah zu khapna dan chu an state pumah hman a lo ni ta a ni.