EC leh IIT-M ten vote thlak khawl thar duan chhuah tum

Election Commission of India leh Indian Institute of Technology - Madras (IIT-Madras)-te ṭangkawp chuan vote thlak hunlaia mahni consti­tuency-a vote thlak hman lo tana vote thlakna tur khawl thar duan chhuah an tum mek.

Blockchain platform hmanga he novel technology thar tur hi hman tum a ni a, siam zawh hun tur hi hriatchian la ni lo mah se, hun a la duh reih dawn thu Election Commissioner Senior Deputy Sandeep Saxena chuan a sawi.  

Mahni constituency-a vote thlaknaa awm hman lote tana vote thlakna tur novel technology hian test a paltlang leh phawt a ngai dawn a, chumi zawhah 'election rules and laws' siamṭhat ngai lai siam hmasak leh a ngai bawk dawn a ni. 

Hemi hnu hian he khawl thar hi a rintlak dawn em tih enchhinna neih leh phawt a ni ang.