Rajnath Singh-a'n ram pali hruaitute inbiakna neihpui
Defence minister Rajnath Singh chuan Pathianni khan US, Japan, Australia leh New Zealand hruaitute kawmin, thawhdunna tur chungchangah inbiakna a neihpui.
Rajnath Singh hi Thailand khawpui Bangkok-a ASEAN Defence Ministers’ Meeting-Plus (ADMM-Plus) vawi rukna hmang tura kal a ni a, he hunah hian US Secretary of Defence Mark T Esper, Japanese Defence Minister Taro Kono, Australian Defence Minister Linda Reynolds leh New Zealand's Defence Minister Ron Mark-te chu hmuin, heng ramte nena an lo thawhho dan leh hmalak zel dan tur a sawipui a ni.
US Secretary of Defence Mark T Esper hi Singh hian a vawikhat hmuhna a ni a, thla leh a Washington DC-a 2+2 meeting neih tur chungchang pawh sawi dunin, defence lama thawdunna thar tam tak pawh an ziah belh rin a ni. Singh chuan Indo-Pacific-a India in a hma lak tawhna leh a hma thlirte Esper hi a sawipui bawk. ADMM-Plus summit hi nimin aṭang khan neih ṭan a ni a, ADMM-Plus ram aṭangin defence minister 18 an tel.