Pakistan-in India-a mail service ṭan leh tawh

Pakistan chuan India nena postal mail service an kalpui chu thla thum dawn a tihtawp hnuah an kalpui ṭan leh tawh tih Pakistan media-te chuan nimin khan an tarlang.

India-in August 5-a Jammu and Kashmir special status Article 370 a tihtawp hnu khan Pakistan hian India nena postal mail service an kalpui chu a titawp nghal a, mahse Pakistan media-te chuan chhunzawm a nih leh tawh thu hi nimin khan tarlangin, parcel service erawh an la titawp chhunzawm niin an tarlang bawk.

Hetihlai hian India leh Pakistan post thuneitu lam chuan official-in engmah thuchhuah an la siam lo thung.