IFFI 2019 vawiin aṭangin ṭan dawn

International Film Fes­tival of India (IFFI) 2019 chu vawiin aṭang hian Goa-ah neih ṭan a ni dawn a, kum dang zawng aiin he festival hi a lian dawn nia sawi a ni. 

IISF 2019 hi a ṭum 50-na a ni tawh dawn a, 1952-a hmanṭan a nih aṭang khan film ṭha tak tak tihchhuah a ni tawh ṭhin. Kuminah hian a ṭumkhatna atan Golden Peacock Retrospective leh Golden Lining-te telh thar a ni bawk. 

Film lama sulhnu nei ṭha Rajinikanth chu ‘Icon of Golden Jubilee of IFFI’ award hlan a ni dawn a, masterclass 30 aia tam buatsaih a ni dawn. 

Anil Kapoor leh Anees Bazmi-te chuan Director-Actor chungchang an sawi dawn a, Tamanna leh Kajal Aggarwal-te chuan South Indian Cinema chungchang an sawi bawk ang. IFFI hi vawiin aṭanga November 28 thleng hian neih a ni dawn a, ram hrang hrang 76 aṭangin film ṭha tak tak 200 chhuah a ni dawn a, Indian panorama section bikah chuan feature film 26 leh non-feature film 15 chhuah a ni dawn bawk.

He hunah hian mi 10,000 vel chu an punkhawm rin a ni.