December hmain Maha sorkar a ding ang: Shiv Sena

Maharashtra chu sorkar thar siam thei an awm loh avangin President's Rule hnuaiah dah mek a ni a, mahse Shiv Sena hruaitu Sanjay Raut chuan December hmain sorkar chak tak din a ni ngei dawn tih a sawi. 

Shiv Sena hian ṭangrual sorkar thar siam turah chanpual inzata insem leh, chief minister dinhmun pawh inchelh chhawk a phut a, hei hi a thawhpui BJP chuan a pawmsak theih loh avangin party pahnihte hian an thawhdunna an titawp a ni. Hemi hnu hian Shiv Sena chuan Nationalist Congress Party (NCP) kaihhruaia, NCP-Shiv Sena-Congress ṭangrual sorkar siam dan kawng a ngaihtuah mek. 

Raut chuan sorkar thar siamna tura harsatna hrang hrang awmte pawh an chingfel tawh tih sawiin, thu chiang zawk an puangchhuak thuai dawn tih a sawi. NCP, Congress leh Shiv Sena thawkho chuan sorkar chak leh nghet tak an din dawn a ni, a ti.