US aṭangin India mi 150 thawn haw
India mi 150-te chu dan dik loa US-a an luh avang leh visa fel tawk loh an neih avangin, nimin khan US aṭangin Delhi-ah thawn haw an nih thu thuneitute chuan an sawi.
Heng mite hian nimin zing dar 6 khan Delhi airport an thleng tawh a, US aṭanga an rawn thawn hawte hi dar 11-ah a mal te tein airport-a T3 terminal aṭang an chhuah tir a ni. October 18 khan Mexico ram aṭanga dan loa US-a pem tum India mi 300 chuangte chu Mexican immigration authorities-te chuan India-ah an thawn haw tawh bawk.