Thla li chhunga Covid-19 case tlem ber ni thleng

Ministry of Health and Family Welfare-in nimina ramchhunga Covid-19 dinhmun a tihchhuahah chuan hri kai mek 4,03,248 an awm a, hei hi ni 138 chhunga coronavirus case load tlem ber ni a ni.

July 21 hnuah khan hetianga hri kai mek tlem ni a la awm ngai lo a, hetihlai hian hri kai tawh zawng zawng chu 96,44,222 an tling tawh a, enkawl dam 91,00,792 awm tawh thungin India ramah hian Covid-19 vanga thi mi 1,40,182 lai an awm tawh bawk.

India ramah hian hripui kai enkawl dam rate hi 94.37% a tling tawh a, active case rate hi 4.18% a ni thung. 

Health Ministry chuan thihpui rate chu 1.45% a ni tih tarlang bawkin tuna Covid-19 case zawng zawng aṭanga 75% hi chu state leh UT 10-a mi a nih thu leh chung zingah chuan Delhi, Maharashtra , Kerala, West Bengal, Haryana leh Rajasthan-te pawh an tel a ni.