US-in India hnena MK 45 naval gun hralh remti
United States Defence Security Cooperation Agency (DSCA) chuan Thawhlehni khan India hnenah MK 45 naval gun 13 leh hemi kaihhnawih hmanraw dang, US dollar thluklehdingawn 1.0210 hu hralh a remtih thu Congress a hriattir.
India sorkar chuan MK 45 5 inch/62 caliber (MOD 4) naval gun 13, D349 projectile ammunition 3,500, silaimu dang, spare part, personnel training, training-na tur equipment bakah transportation senso telin lei a inhuam thu DSCA chuan a tarlang.
He ralthuam, India-in a lei thar tum hi lei leh van lam kap thei ve ve tura siam a ni a, Indian navy hman tura ruahman a nihna angin Arabian Sea vela hman a ni ang. MK 45 hi Defence contractor company BAE Systems Land and Armaments-in Kentucky state-a Louisville aṭanga a siamchhuah a ni. MK 45 hi ground force leh inland area venna atante hman theih a nih bakah, indona hmunah pawh hman theih a nih thu BAE Systems chuan a sawi. MK 45 system hi US ṭhianṭha zual, Japan, South Korea, leh Turkey-te chauhin an la nei a ni.