UGC leh AICTE chhunfin tumna a la awm lo

Human Resource Development (HRD) Minister Ramesh Pokhriyal Nishank chuan University Grants Commission (UGC) leh All India Council of Technical Education (AICTE)-te chu chhunfin tura thuthlukna engmah siam a la nih loh thu a sawi.

Nikum khan HRD chuan UGC nuaibona tur draft bill  a siam a, AICTE pawh tihtawp a, Higher Education Commission of India (HECI) hnuaia chhunfin a tum a ni. He bill chungchanga mipuite thurawn an ngaihchan hnuah kumin September thla khan  bill hi final stage-ah a awm tawh thu Ramesh chuan a sawi a, thla hlui khan union cabinet-in a ngaihtuah tur thu a sawi bawk.

Heng statutory body pahnih UGC leh AICTE-te hi ṭhiah a, HECI-in zirna leh a kaihhnawih chu enkawl se tih leh, HRD chu pawisa chungchanga thuneituah awm se tih chu he draft bill-ah hian siam a ni bawk. Zirlai tam tak chuan he bill duhl ohna hi an lantir a ni.

UGC hi India ram chhunga university-te enkawltu  a ni a; engineering, pharmacy, management leh technical education college-te chu AICTE hnuaia enkawl a ni bawk.