Thla mission pathumna atan ISRO inbuatsaih ṭan

Minister of State Jitendra Singh chuan Rajya Sabha-a Department of Space-in Chandrayaan-3 mission kalpui an tum em tia ziaka zawhna awm chu chhangin Indian Space Research Organisation (ISRO) chu an inbuatsaih ṭan tawh tih a sawi.

ISRO pawh hian Ningani khan thlaa mission pathumna kalpui an tum thu hi an lo sawilang tawh a, mahse a hun tur tak erawh an la tarlang lo thung. Jitendra Singh chuan, "Thla zirchianna mission-a an hman tur technology an mamawh angte hmang thiam turin ISRO chuan roadmap an siam tawh a ni. He roadmap hi space cimmission hnenah an thlen tawh bawk. Thlaa mission kalpui leh tumna hi kalpui mek a ni," a ti.