Gujarat sorkarin 'dragon fruit' hming 'Kamalam' tiin a thlak

Gujarat sorkar chuan an state-a thei lar tak, dragon fruit chu 'Kamalam' tiin a hming a thlak. 

Chief minister Vijay Rupani chuan thei hming an thlakna chhan hi sawifiahin, 'a pawnlam hian lotus a an em avangin Kamalam tia thlak a ni," a ti. Kamalam chu Sanskirt-in 'lotus' tihna a nihthu a sawi bawk. Rupani hian  Chief Minister Horticulture Development Mission hawnna inkhawmah he thu hi a sawi a, dragon fruit tih hming chu China nen inzawmna an neih avangin thlak hi an duh niin a sawi. Hetih lai hian lotus hi BJP poll symbol a ni a, mahse thei hming an thlak chungchangah hian politics nena inzawmna a neih loh thu CM chuan a sawi thung.