Ram paruk hnenah Covid-19 vaccine thawn dawn

Ministry of external affairs (MEA) chuan India chuan a ṭhenawm leh thawhpui ram paruk hnenah Covid-19 vaccine a thawn dawn tih a sawi. 

Covid vaccine thawnna turte hi Bhutan, Maldives, Bangladesh, Nepal, Myanmar leh Syechelles-te an ni. An mamawh dan azirin a tahtawlin vaccine hi thawn an ni dawn a ni. Bhutan ramah thawn chhuak hmasa berin, nimin khan Covishield dose nuai 1.5 chu Mumbai-a Chhatrapati Shivaji Maharaj International Airport aṭangin Thimpu, Bhutan panpui a ni a, heng hi a thlawn vekin a pe a ni. A hma pawhin Bhutan hnenah hian paracetamol, hydroxychloroquine, PPE, N95 mask, x-ray machine leh test kit, cheng vaibelchhe 2.8 hu a lo pe tawh bawk. 

Bangladesh foreign ministry chuan an Facebook page-ah India aṭangin Covid vaccine dose nuai 20 an dawng dawn tih an tarlang bawk a ni. MEA chuan India rama siam Covid vaccine hi ṭhenawm ram eng emaw zat aṭangin supply tura dilna an dawng tawh tih a sawi.