Ram temple sak tumna dan theih a ni lo : Rajnath Singh

Defence minister Rajnath Singh chuan Supreme Court-in Uttar Pradesh-a Ayodhya-a Ram temple sak a phal chu, eng thuneihna mahin a dan theih loh thu a sawi.

Singh hi Jharkhand Legis­lative Assembly inthlan cam­paign-a zin a ni a, November 30- December 20 chhungin Legislative Assembly member 81 awmna inthlanna hi neih a ni dawn a, December 23-ah result puan a ni ang. Bishrampur assembly constituency-a poll meeting neihnaah he thu hi sawiin, Ayodhya-ah chuan Ram temple ropui tak din a ni ngei dawn a ni, a ti. 

Defence minister Rajnath Singh chuan "Kum 1952-a Bharatiya Jana Sangh dintu leh BJP dinna kawnga hmala tu, Dr Syama Prasad Mookerjee-a'n ram khatah Constitution pahnih a neih thei loh thute, prime minister pahnih leh flag pahnih neih a rem loh thute a lo sawi kha, vawiin ni chuan a duhthusam kan tihhlawhtlin sak ta a ni," tiin Jammu and Kashmir-a Article 370 tihtawp a nih chungchang pawh a sawilang bawk.