Constitution Day lawm

Nimin kha Constituent Assembly-in India ram danpui a pawm ni, Constitution Day (Sam­vidhan divas) a ni a, hemi pual hian Parliament joint sitting koh a ni.

Joint sitting-ah hian president Ram Nath Ko­vind chuan dikna chanvo (rights) leh tihtur (duties) chu thil inzawm tlat a nih thu sawiin, dikna chanvo ngaihpawimawh a nih mek laiin tih turte pawh hriat a ṭul thu a sawi. Prime minister Na­rendra Modi India danpui chakna chungchang sawiin, India danpui chuan dikna chanvo bakah tih turte a sawilang vek a, chu chu Constitution danglam bikna a ni, a ti. 

Vice president M. Ven­kaiah Naidu chuan kum 70 kal ta chhung khan India ram chu an ram danpui zawmtu mai ni loin, constitution tinungtu a nih thu a sawi. India ram danpui draft tur hian Constituent Assembly din a ni a, kum thum chhung zet uluk taka ngaihtuah a nih hnuah November 26, 1949 khan Indian Constitution hi pawm a ni a, January 26, 1940 aṭangin hman ṭan a ni thung.

Joint sitting-ah hian eptu pawl lian ber Cong­ress chu an tel lo a, BSP, YSR Congress, TRS, TDP leh BJD-te erawh an tel thung a ni. UN General Assembly Tijjani Muhammad-Bande chuan nimin khan India ram a lawmpui thu sawi bawkin India ram danpui chu 'seminal document' a nih thu a sawi.