West Bengal Cabinet-in Raltlante tan in leh lo neih remti

Thawhṭannia West Bengal Cabinet ṭhukhawm chuan Bangladesh War, kum 1971 hnu lama West Bengal-a khawsa zui, Bangladesh aṭang raltlante tan in leh lo neih a remti.

Cabinet ṭhutkhawm an neih zawh hnu hian chief minister Mamata Banerjee chuan, raltlan chhungkua maktaduai 1.25 bawr vel an awm thu a sawi a, chung zinga chhungkaw 55,000-te chu sorkar laipui ramah an chen mek thu leh, chhungkaw 13,353-te chu state sorkar ramah an khawsak mek thu a sawi.

"West Bengal-a rawn khawsa zui ta, ral­tlante chenna hmun tam tak hi sorkar leh private ta a ni. State sorkar rama cheng raltlante chenna colony 94 chu kum 20 chhungin kan state sorkar chuan a regularise tawh a ni." tiin Mamata chuan a sawi a ni. 

East Pakistan tia an sawi ṭhin Bang­ladesh aṭang hian kum 1947 aṭang khan raltlan maktaduai 3 an awm nia sawi a ni a, Bangladesh War kum 1971 hnu lamah maktaduai 6-a an pun chhoh thu record-ah tarlan a ni bawk. 

Thawhṭannia West Bengal-a Kalia­ganj, Karimpur leh Kharagpur Sadar assembly constituency by election inthlan neihna hmun kha, Bangladesh aṭanga raltlan tamna hmun a ni.