PSLV-C47 satellite 14 kap chhuak

Indian Space Re­search Organisation (ISRO) chuan nimin zing khan Andhra Pradesh-a Satish Dhawan Space Centre aṭangin, PSLV-C47 satellite 14 - Cartosat-3 leh commer­cial nanosatellite 13 chu sun-synchronous orbit-ah a kapchhuak.  

Satellite Cartosat-3 hi Polar Satellite Launch Vehicle-XL variant (PSLV-XL) zinga mi a ni a, third-generation agile advanced satellite a nih bakah, fiah takin thla a la thei a ni. Khawvel thla la tura tirh a ni. Orbit chhung lam kilometer 509 hlaa degree 97.5-a dah tum a ni a, kum 5 chhung atana hna thawk tura duan a ni bawk.

Commercial nanosa­tellite 13 an kahchhuah hi US kutchhuak a ni a, khawvel tehchhuah hna a thawk ang. He hmalakna hi NewSpace India Ltd (NSIL) leh ISRO ṭangkawp tih a ni. Nimin zinga kah­chhuah PSLV-C47 hi August thlaa Chandra­yaan 2 kahchhuah hlawh­tlin loh hnua ISRO-in satellite a kahchhuah leh hmasa ber a ni.