Jamia-a buaina chhuak kaihhnawihah Delhi Police-te'n thubuai theh lut

Delhi Police-te chuan nikum December 15-a Delhi chhim lam, Jamia Milia University leh New Friends Colony-a tharum thawhna nasa tak thleng kaih­hnawihah thubuai an an thehlut. 

Police-te chuan Chief Metro­politan Magistrate Gurmohina Kaur hnena chargesheet an thehluhah hian mi 18 hming ziak langin, heng mite hi  Jamia Milia leh New Friends Colony-a buaina chawk chhuak, sorkar thil tichhia leh hnathawktute lo dalah an puh an ni. 

Thubuai siamsak zingah hian JNU zirlai hlui, Delhi Police-ten sorkara hel tura midangte fuiha puha an man tawh, Sharjeel Imam pawh a tel. 

Iman hi December 15-a hmun pahniha buaina chhuakah hian midange fuihpawrhtu ber nia puh a ni. Iman hi March 3 thleng judicial custody-a awm tura tih zui a ni bawk. 

Police-te chuan chargesheet an ziahluhah hian CCTV footage, bakah thuhretu atana an koh mi 100 te call record leh thusawi kimchang pawh an dah tel a ni.

Nikuma Jamia Nagar bula Citizenship Amendment Act (CAA) duh lohna lantira nawrh huaihawtnaa buainaah, police-te leh nawrh hauihawtte chu an  innawrbuai a, public bus pali leh police motor pahnih hal a nih bakah, mi 60 chuangin hliam an tuar a, an zingah hian zirlaite bakah police leh kang ṭhelhtute pawh an tel a ni.