CBSE-in class 10 leh 12 exam dan thlak tum

Central Board of Secondary Education (CBSE) chuan class 10 leh 12 exam dan (pattern) chu kum 2023-ah thlak an tum thu a tarlang.

CBSE secretary Anurag Tripathi chuan "Kan ram hmathlir ngaihtuah chungin, quality taka exam hi huaihawt a nih theih nan exam dan chu thlak a ṭul a ni," tiin Associated Chambers of Commerce and Industry of India (ASSOCHAM) buatsaih, School Education Summit hmannaah a sawi.

Anurag chuan "New Education Policy (NEP)" pawh sawi langin, he policy tharah hian zirlaite, zirtirtute leh nu leh pate inkungkaihna  ṭha a awm theih nana hmalakna a awm tur thu a sawi bawk.  

Kumin hian class 10 exam bikah, objective question 20% chhuah tir a ni a, 10% question chu 'creative thinking' lam hawi aṭanga chhuah tir a ni bawk. Mahse kum 2023-ah chuan hengte hi thlakin, zirlaiten thil thar anmahni idea 

aṭanga an rawn sawilan theihna zawnga zawhnate ruahman tum a ni. CBSE director Biswajit Saha chuan "Zirlaite hi hna an thawh theih nana pass tir ringawt a ni lo a, India rama school-in a mamawh chu thiltithei tura chakna leh thiamna siam sak a ni." tiin a sawi.