Karnataka CM hlui pahnih thubuai siam sak

Court thupek angin Nilaini khan Bengaluru Police-te chuan Indian Penal Code (IPC) hnuai­ah, Karnataka chief minister hlui pahnih Siddaramaiah leh H. D. Kumaraswamy lakah intihming­chhiaa puhna thubuai an siam sak.

Activist A Mallikarjuna chuan November 22 khan lower court-ah FIR a thehlut a, kumin kumtir Lok Sabha inthlan hunlai vela Income Tax Department-in Congress leh Janata Dal (Secular) hruaitute an dap tur, an dap hmaa thu lo sawichhuak ruah Kumaraswamy hi a puh a ni. 

Kumaraswamy thusawi avang hian kumin March 27 khan Congress leh JD(S) hruaitute chuan Income Tax Department Office kawtah nawrh an huaihawt a ni. Nawrh huaihawtnaah hian Kumaraswamy bakaha deputy Parameshwara, chief miniser hlui Siddaraiamah leh minister, hetihlaia rorellai MP leh MLA eng emaw zat an tel. He nawrh huaihawt hian Income Tax Department-a hnathawktute chu a tihbuai thu leh, Model Code of Conduct puan a nih tawh avangin, Code hian a huam phak thu Mallikarjuna chuan a thubuai thehluh­ah hian a ziak tel bawk. 

CM hlui pahnih bakah  Congress leh JD(S) hruaitu 23-te leh police pakua lakah thubuai hi ziahluh a ni bawk. Karnataka-ah hian December 5-ah by-election neih tur a ni a, he an hmingchhiatna avang hian Congress leh JD(S) party tan inthlanna neih turah a ṭha lo zawngin nghawng a neih phah maithei a ni.