State 16-in ST list siamṭha turin ngen
Kum nga chhungin sorkar laipui chuan state 16 aṭangin, Scheduled Tribe (ST) list siamṭha/ennawn tura ngenna a dawng.
Heng state 16 bakah hian Union territory-te pawh an tel thu tarlan a ni. Vawi tam tak sorkar laipuiah hian Andhra Pradesh, Arunachal Pradesh, Bihar, Chhattisgarh, Jharkhand, Karnataka, Madhya Pradesh, Manipur, West Bengal leh state dangte chuan ST list siamṭha tura rawtna an thlen tawh a ni.
ST/SC leh OBC ni ve lo India rama hnam hrang hrangte chuan India sorkarin heng hnam humhalh ngai bik, hamṭhatna a pek ṭhin hi an dawn ve theih nan, sorkar laipui chu vawi tam tak an kar fo tawh a ni. Hetih rual hian an ral mai hlauh avang leh hnam hnuaihnung zawk an nih avangin, India danpui Constitution chuan ST/SC leh OBC-te chu a humhalh tlat thung.