Gujarat by-election BJP-in Congress MLA hlui pahnih hnenah ticket pe
Gujarat-a by-election neihna tur bial pahnihah chuan Bharatiya Janata Party (BJP) chuan Congress MLA hlui pahnih an dintir.
Pathianni khan BJP hian nomination thehlutin, Radhanpur assembly-a ding turin Congress MLA hlui Alpesh Thakor chu an thehchhuak a, Bayad Assembly-a ding turin Congress MLA hlui tho Daval Singh Zala an thehchhuak bawk.
Thakor leh Zala hi July 5 khan MLA an nihna aṭangin an bang a ni.
BJP working President JP Nadda chuan Pathianni zanah khan Gujarat by-election-a ding tur hming paruk a tarlang a, heng zingah hian Congress MLA hlui pahnih hi an tel a ni. Thakor hian Lok Sabha inthlan hma lawk khan Congress hi a chhuahsan a, Congess hian an ensanin an hmusit niin a sawi.
Congress pawhin Gujarat by-election-a an party aiawha ding tur hming pali an tarlang ve tawh bawk. October 21 hian inthlan ṭhatna hi an nei dawn a, October 24-ah vote chhiarin result puan nghal a ni ang.