UP Ballia jail-a tui lut vangin tang 450 sawn chhuak

Uttar Pradesh-a Ballia District Jail-ah ruahsur nasa vanga tui a luh avangin, tang 450 chu district ṭhenawm jail-ah sawnchhuah an ni.

Ballia District Ma­gistrate Bhavani Singh Khangaraut chuan an district jail-a tui lut chu inches nga aṭanga feet khat dawn a nih tawh thu leh, thil awmdan uluk taka an thlir hnuah sorkar leh prison department hnenah an thlen tih a sawi. An report thehluh chu an lo pawmpui hnuah Azamgarh jail-ah tang 450 chu an sawnchhuak nghal tih a sawi bawk.

Mau leh Ambedkar Nagar jail-ah pawh tang eng emaw zat an sawnchhuah leh beisei a la nih thu a sawi. Ballia thuneitute chuan nimin zing aṭang khan tang sawn hna hi an thawk ṭan a, tang zawng zawng sawnchhuah an tum.

Ballia jail hi mi 350 leng tura siam a ni a, mahse mi 850 zet beng an ni thung. Jail building hi a ṭha tawh lo hle a, official-te chuan tui lut hi thil thar a ni tawh lo tih an sawi bawk.