LoC kaltlang a ngai a nih chuan Kan ti mai ang : Army Chief

Indian Army Chief General Bipin Rawat chuan Line of Control chu India leh Pakistan inrina, hmun zahawm tak ni mah se, Pakistan-in India tihbuai tuma a bei zel a nih chuan India sipaite pawhin LoC paltlang hi an hreh dawn bik lo tiin a vau. 

General Rawat chuan 2016 surgical strike leh 2019 Balakot airstrike-te khan India chuan inbihruk siaka infiam mai mai a tum ve lo tih Pakistan hnenah chiang takin a hriattir tawh a ni tiin, India sipaite chuan firfiakte leh anmahni thlawptute nuaibo turin LoC paltlang chu an hreh  ngai lo ang, tiin a sawi. 

Pakistan ram chhungah chuan firfiakte hmunhma a la awm reng tih sawi zuiin, heng firfiakte hian India rama rawn luh hun remchang an chang reng a ni, a ti. Hei hian Jammu and Kashmir-a pawikhawihna thlen tura firfiak zawnga chetna an thlawpzia lantirna chiang tak a ni tiin Pakistan chu a puh bawk. India ramchhung rawn luh tum, Pakistan firfiak 500 vel chu ramriah hun remchang nghakin an awm reng tih a sawi a ni.