UP police-ten dan loa ramdang mi awm dap dawn

Uttar Pradesh police-te chuan chak zawka venhimna kalpui a nih theihna turin an state chhunga dan loa Bangladesh mi leh ramdang mi awmte dap chhuah beihpui an thlak dawn.

District police official-te chu state sorkar hnenah report thehlut tura hriattir ni tawhin, dan loa ramdang mi awmte dap chhuaha thawnhaw an nih theihna tura beihpui thlak tura hriattir an ni tawh. UP Director General of Police (DGP), OP Singh chuan hemi chungchangah hian Thawhṭanni khan district tinah hriattirna a tichhuak tawh. District tina police-te chu slum, camp leh khawpui daia awm, kawng sira chengte, rel station leh bus station-a chengte chu uluk taka enfiahna nei tura beisei an nih thu a sawi.

DGP chuan an enfiahnaa ramdang mi, dan loa ramchhunga awm an awm a nih chuan hrechiang a, state dang mi nia an inchhal a nih pawhin enfiah turin a ti bawk. Identity proof dang siamchawp an lo kawl a nih pawhin engtin nge chutiang chu an neih theih tih hrechhuak turin a ti. ID lem siamsak tute pawh chu zawngchhuaka an laka hremna lekkawh turin a ti a ni. Dan loa state chhunga awmte chu an kutzia lakhawm turin a ti bawk.